- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश प्रिमियर लिग फुटबलको लिग लिडर लिभरपुलले सिजनको पहिलो हार बेहोरेको छ । लिग अन्तर्गत बिहीबार राति भएको खेलमा सिटीसँग २–१ ले पराजित भएसँगै लिभरपुलले सिजनको पहिलो हार बेहोरेको हो ।
लिभरपुललाई पहिलो हार चखाउन घरेलु टोलीका सर्जियो अगुएरो र लिरोए सानेले गोल गरे । लिभरपुलका रोबर्टो फिर्मिनोले गोल फर्काए ।
इत्ेहाद स्टेडियममा घरेलु टोलीले खेलको ४०औं मिनेटमा अगुएरोको गोलबाट खेलमा अग्रता बनाएको थियो । ६४औं मिनेटमा रोबर्टो फिर्मिनोले बराबरी गोल गरेपछि लिभरपुल खेलमा फर्किएको थियो ।
७२औं मिनेटमा लिरोए सानेले रहिम स्ट्रलिङको पासमा गोल गरेपछि सिटीले खेलमा २–१ को अग्रता बनायो । त्यसपछि थप गोल हुन नसक्दा सिटीले लिभरपुललाई हार चखायो ।
लिभरपुललाई हराएपछि सिटी उपाधि यात्रामा फर्किएको छ । सिटी २१ खेलबाट ५० अंक जोडेर दोस्रो स्थानमा उक्लिएको छ । सिटी शीर्ष स्थानको लिभरपुलभन्दा ४ अंकले मात्रै पछि छ । लिभरपुलको ५४ अंक छ ।
तेस्रो स्थानको टोटनह्यामको ४८ तथा चौथो स्थानको चेल्सीको ४४ अंक छ ।