- सुन चाँदी दर
- विनिमय दर
- नेपाली पात्रो
- राशिफल
काठमाडौं । सत्याग्रही डा।गोविन्द केसीको १६ औं चरणको आन्दोलन बुधबारदेखि जारी छ । १६ औं चरणको आन्दोलन उनले इलाम पुगेर गरेका हुन् । इलाम सदरमुकामस्थित फूलगाछीमा बुधबार अपराह्न ५ बजे पत्रकार सम्मेलन गरी डा केसीले अनशन सुरु गरेका थिए ।
डा केसीले यसपटक चिकित्सा शिक्षा विधेयक आफूसंग सरकारले साउन १० गते गरेको सहमति अनुसार नै हुनुपर्ने सहितका सामाजिक समेत समेटेर ६ बुँदे माग राखेका छन् ।
उनले सरकारले आफूसंग गरेको सम्झौताको अक्षरस पालना हुनुपर्ने भन्दै अविलम्ब चिकित्सा शिक्षा विधेयक संसदबाट पारित गर्नुपर्ने बताएका छन् ।
यसअघि उनले १५ चरणको अनसन जुम्लामा गरेका थिए । यसपटक सरकार कति दिन पछि गल्छ वा चिसोका कारण डा केसी छिट्टै थला पर्नेछन् र काठमाडौं ल्याउनु पर्ने हो त्यो भने समयले बताउने छ ।
यसअघि कहिले र कसका पालामा कति दिन बसे डा केसी अनसन ?
चिकित्सा शिक्षाको बेथिति अन्त्यका लागि सुरु भएको उनको आमरण अनसन यसपटक १६ औं हो । उनले डा बाबुराम भट्टराईका पालादेखि आमरण अनसन थालेका थिए । त्यसपछि अहिलेसम्म जारी छ । कुनै पनि सरकारले उनका माग सुनेका छैनन् ।
डा केसी अनसन बस्दा को थिए त प्रधानमन्त्री ?
–बाबुराम भट्टराई, एनेकपा माओवादी २ पटक (४, ८ दिन)
–खिलराज रेग्मी २ पटक (१०, ८ दिन)
–सुशील कोइराला, नेपाली काँग्रेस ३ पटक (१२, १४, १२ दिन)
–पुष्पकमल दाहाल प्रचण्ड, नेकपा माओवादी केन्द्र २ पटक (१२, २२ दिन)
–शेरबहादुर देउवा, नेपाली काँग्रेस ४ पटक (२३, ३, १४, ६ दिन)
केपी शर्मा ओली, नेकपा ३ पटक – एमाले हुँदा १ पटक १५ दिन, नेकपा हुँदा साउनमा २७ दिन र अहिले जारी)