- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिस फुटबल लिग ला लिगा लिडर बार्सिलोना कोपा डेल रे फुटबलमा कमजोर टिमसंग अप्रत्यासित हार बेहोरेको छ ।
शुक्रबार बिहान सम्पन्न खेलमा प्रिक्वार्टरफाइनल भिडन्तको पहिलो लेगमा बार्सिलोना लेभान्तेसंग पराजित भयो । घरेलु मैदानमा खेलेको लेभान्ते २–१ गोल अन्तरले विजयी भयो ।
डिफेन्डिङ च्याम्पियन बार्सिलोनामाथि जित कब्जा गर्ने क्रममा खेलको १८ मिनेटभित्रै लेभान्तेले दुवै गोल गरेको थियो । चौथो मिनेटमै एरिक काबाको तथा १८औं मिनेटमा बोर्जा मायोरलले गोल गरेका हुन् ।
निरश प्रदर्शन गरेको बार्सिलोनाले खेल सकिनु ५ मिनेटअघि सान्त्न्वना गोल फर्कायो । फिलिप कोउटिन्होले पेनाल्टीमार्फत एक गोल फर्काएका थिए।
बार्सिलोनाले खेलमा सदाबहार कप्तान लियोनल मेस्सी र लुइस स्वारेज मैदानमा थिएनन् । तीन साताअघिको खेलको नतिजा हेर्दै यसपटक दुवै प्रभावशाली खेलाडीलाई आराम दिइएको हुनसक्छ । उक्त खेलमा बार्सिलोनाले लेभान्तेलाई ५–० गोल अन्तरले हराएको थियो ।
यस्तो छ अन्य खेलको नतिजा
सेभिया ३–१ एथलेटिक बिल्बाओ
रियाल सोसिएडाड ०–० रियाल बेटिस