-
-
-
-
काठमाडौं । भारतको महाराष्ट्र राज्यका मुख्यमन्त्री नारायण राणेका छोरा तथा पूर्व सांसद निलेशले शिवसेनाका सस्थापक स्वर्गीय बालासाहेब ठाकरेमाथि बलिउडका चर्चित गायक सोनु निगममाथि हत्या गर्न चाहेको आरोप लगाएका छन् ।
निलेशले शिवसेना नेता आनन्द दिघेको मृत्युमा पनि ठाकरेको हात रहेको आरोप लगाएका छन् ।
निलेशको यो आरोपप्रति ठाकरेको परिवार वा शिवसेनाका तर्फबाट कुनै पनि प्रतिक्रिया नआएको भारतीय संचारमाध्यमहरुले लेखेका छन् ।
मंगलबार रत्नागिरीमा बोल्दै निलेशले ‘पूरा मुम्बई पुलिसलाई थाहा छ सोनु निगमको हत्याको योजना रचिएको थियो । उनलाई मार्नका लागि ठाकरेले शिवसेना पठाएका थिए’ भनेका छन् ।
पछिल्लो समय शिवसेना सांसद विनायक राउतले निलेशका बाबु नारायण राणेमाथि आरोप लगाएका थिए । राउतले, ‘नारायण राणेको १० वर्षको राजनीतिक करियरमा कसले नौ जनाको हत्या गर्यो ? राणेसंग हिम्मत भए जवाफ देउन्’ भनेका थिए ।
राउतले सन् २०१४ को लोकसभा चुनावमा निलेशलाई हराएका थिए ।
