- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतमा नरेन्द्र मोदी आएपछि मुलुकको ऋण करिब ५० प्रतिशतले बढेको छ । आर्थिक सुधारका विभिन्न किसिमका योजना ल्याएको भए पनि मोदीको सरकारमा भारतको ऋण चुलिएको हो ।
भारतको अर्थमन्त्रालयले दिएको जानकारीअनुसार सन् २०१८ को सेप्टेम्बरसम्मा भारतको ऋण ८ सय २० खर्ब भारु पुगेको थियो ।
शुक्रवार सार्वजनिक भएको तथ्यांकअनुसार सन् २०१४ को जुन महिनासम्ममा भारतको ऋण ५ सय ४९ खर्ब भारु थियो ।
भारतको सार्वजनिक ऋण मोदीको कार्यक्रममा ४ सय ८० खर्ब बाट बढेर ७ सय ३० खर्ब भारु पुगेको छ । सो अवधिमा आन्तरिक ऋण पनि ५४ प्रतिशतले बढ्दै ६ सय ८० खर्ब भारुमा पुगेको छ ।
भारतले शुक्रवार भारतको समग्र ऋणको अवस्थाबारे जानकारी भएको तथ्यांक सार्वजनिक गरेको हो ।
अर्थमन्त्रालयले पछिल्लो समय भारतको ऋण घट्दो क्रममा रहेको बताएको छ । यो सूचकअनुसार भारतको ऋण जोखिमपूर्ण अवस्थामा भने नरहेको बताइएको छ ।
पछिल्लो समय भारतीय प्रधानमन्त्री मोदी आगामी निर्वाचनमा जित हासिल गर्न महत्वपूर्ण आर्थिक योजना अघि सारिरहेका छन् ।