- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश प्रिमियर लिग फुटबलमा जोसे मौरिन्हो बर्खास्त भएपछि म्यान्चेस्टर युनाइटेडले लगातार जितको यात्रालाई अझै निरन्तरता दिएको छ । ब्राइटन एण्ड हभ आल्बियनलाई शनिबार राति पराजित गर्दै युनाइटेडले मौरिन्हो पछि लगातार सातौं जित चुमेको हो ।
ब्राइटन २–१ ले पराजित भयो । अन्तरिम प्रशिक्षक ओल गुनार सोल्सकेएरले युनाइटेड सम्हालेपछि जादू नै भएको छ ।
घरेलु मैदान ओल्ड ट्राफोर्डमा भएको खेलमा युनाइटेडलाई जिताउनका लागि पउल पोग्बा र रासफोर्डले गोल गरे ।
पोग्बाले पहिलो गोल गरे । पोग्बाले २७ औँ मिनेटमा पाएको पेनाल्टीमा गोल गरेका हुन् ।
यस्तै ४२ औँ मिनेटमा मार्कस रासफोर्डले गोल गर्दै अग्रता दोब्बर पारे । मध्यान्तरसम्म २–० को अग्रतामा युनाइटेड रहेको थियो ।
७२ औँ मिनेटमा ग्रोबले ब्राइटनका लागि एक गोल फर्काए पनि हार टार्न सकेनन् । यो जितले छैटौँ स्थानको युनाइटेडको २३ खेलबाट ४४ अंक भएको छ ।