- सुन चाँदी दर
- विनिमय दर
- नेपाली पात्रो
- राशिफल
काठमाडौं । फ्रेन्च लिग वान फुटबलमा लिग लिडर पेरिस सेन्ट–जर्मेन पिएसजीले कीर्तिमानी जित निकालेको छ । पिएसजीले लिग वानमा अहिलेसम्मकै फराकिलो जित निकालेको हो ।
लिग अन्तर्गत शनिबार राति भएको खेलमा पिएसजीले गुइग्याम्पलाई ९–० ले हरायो । फराकिलो जित दिलाउने क्रममा किलियन एम्बाप्पे र एडिसन काभानीले ह्याट्रिक गरेका छन् ।
त्यस्तै नेयमारले २ गोल र थोमस म्युनियरले १ गोल गरे।
घरेलु मैदानमा खेल अवधिभर ६८ प्रतिशत बल आफ्नो कब्जामा राखेको पिएसजीले ११ औं मिनेटमा नेयमारको गोलबाट अग्रता लिएको थियो । मध्यान्तरसम्म ३–० को अग्रता लिएको पिएसजीले मध्यान्तरपछि ६ गोल गरेको थियो ।
यो खेलसँगै पिएसजी फ्रेन्च लिगको १९ खेलमा अपराजित छ। १७ जित र २ बराबरीसँगै शिर्षस्थानमा रहेको पिएसजीको ५३ अंक छ। २१ खेल खेलेको दोस्रो स्थानको लिलेको मात्र ४० अंक छ ।