-
-
-
-
काठमाडौं । इजरायली सेनाले इरानीविरुद्ध आक्रमण थालेको छ । सिरियामा रहेका इरानीविरुद्ध इजरायली सेनाले कारवाही अभियान सुरु गरेको बताएको हो ।
आफूहरुले क्वाडस फोर्स, इरानियन रिभोलुसनरी फोर्सको इलाइट युनिटविरुद्ध कारवाही अभियान सुरु गरेको इजरायलको डिफेन्स फोर्स आइडिएफले बताएको छ ।
सिरियाको राजधानी दमास्कस वरपर आक्रमणको आवाज सुनिएको छ ।
सिरियाली हवाई सेनाले जवाफी कारवाही पनि गरेको छ । सिरियन अब्जरभेटरी फर ह्युमन राइट्स एसओएचआरका अनुसार इजरायली रकेटले दमास्कस आसपासका क्षेत्रमा आक्रमण गरिरहेका छन् ।
अहिलेसम्म हताहतीको खवर आइनसकेको बीबीसीले जनाएको छ ।
