-
-
-
-
काठमाडौं । इटालियन सिरी ए फुटबलमा पोर्चुगिच फुटबल स्टार क्रिस्टियानो रोनाल्डोले पेनाल्टी मिस गरेका छन् ।
लिग लिडर युभेन्टसले चिभोलाई सोमबार राति घरेलु मैदानमा ३–० ले पराजित गरे पनि रोनाल्डोले पेनाल्टी मिस गरेका हुन् ।
गोलकिपर स्टेफानो सोरेन्टिनोले रोनाल्डोको प्रहारलाई बचाएका हुन् ।
तर डगलस कोष्टा र इम्रे केनले सिजनको पहिलो गोल गरे । त्यस्तै ड्यानियल रुगनीले एक गोल थपे ।
खेलको १३औं मिनेटमा नै कोष्टाको गोलबाट युभेन्टसले अग्रता लिएको थियो । ४५ औं मिनेटमा केनको गोलसँगै युभेन्टसले दोब्बर अग्रता बनाएको थियो ।
८४ औं मिनेटमा रुगनीले गोल गरेका थिए ।
जितपछि लिग लिडर युभेन्टसले २० खेलबाट ५६ अंक बनाएको छ । लिगको दोस्रो स्थानमा रहेको नेपोलीको २० खेलबाट ४७ अंक रहेको छ ।
तेस्रो स्थानको इन्टरमिलानको ४० अंक छ भने चौथो स्थानको एसी मिलानको ३४ अंक छ । सोमबार राति एसी मिलानले गियोनालाई उसकै मैदानमा २–० ले हरायो ।
