- सुन चाँदी दर
- विनिमय दर
- नेपाली पात्रो
- राशिफल
काठमाडौं । विवादित क्षेत्र जम्मूकश्मीरसहित भारतको हिमाञ्चल, उत्तराखण्ड तथा उत्तर भारतका अधिकांश क्षेत्रमा भएको हिमपातमा कम्तीमा दुई जनाको मृत्यु भएको छ ।
कश्मीरको रामबन जिल्लाको एक पहाडी गाउँमा हिमपहिरोमा परी १२ वर्षकी एक बालिकासहित दुई जनाको मृत्यु भएको हो ।
जम्मू श्रीनगर राजमार्ग दुई दिनदेखि ठप्प छ । हिमांचल प्रदेशमा ३७७ सडकहरु बन्द भएको भारतीय संचारमाध्यमहरुले जनाएका छन् ।
सिमलाका मात्रै २०४ वटा सडक बन्द भएका छन् । सिमलामा दुई बस बाटोमै फसेका छन् । स्कुले ७० बालबालिका र स्टाफसहित ८७ जनालाई उद्दार गरिएको छ ।
राजस्थान, हरियाणा, पंजाब, मध्यप्रदेश, बिहार र दिल्लीमा भारी वर्षा भएको छ भने केही क्षेत्रमा असिना पनि परेको छ ।
शुक्रबारसम्म भारी वर्षा हुने भारतीय मौसम विभागले पूर्वानुमान गरेको छ । मौसम विभागका मनमोहन सिंहका अनुसार शनिबार मात्र मौसममा सुधार आउने छ ।
विभिन्न ठाउँमा चार फिटसम्म हिउँ जमेको छ । जम्मू कश्मीरमा भूस्खलन पनि भएको छ ।