-
-
-
-
काठमाडौं । भारत विरुद्धको पहिलो एक दिवसीय क्रिकेटमा न्यूजिल्याण्डले कमजोर ब्याटिङ गरेको छ । नापियरमा भइरहेको खेलमा न्यूजिल्याण्डले टस जितेर पहिले ब्याटिङ गर्दै १५७ रन मात्रै बनायो ।
३८ ओभर मात्र मैदानमा टिक्न सकेको न्यूजिल्याण्डका कप्तान केन विलियमसनले ८१ बलमा ६४ रन बनाए ।
६ खेलाडीले दोहोरो अंक समेत बनाउन सकेनन् ।
मोहम्मद शामीले ६ ओभरमा २ मेडेन राख्दै १९ रन खर्चेर ३ विकेट लिए । शमीले सबैभन्दा कम खेलमै १०० विकेट लिने भारतीय बलर बनेको रेकर्ड राखेका छन् ।
शमीले ५६ खेलमा १०० विकेट लिएका हुन् । इरफान खानले यसअघि ५९ खेलमा १०० विकेट लिएका थिए । 
कुलदीप यादवले ३९ रन दिएर ४ विकेट लिए । युझवेन्द्र चहलले २ विकेट लिए ।
भारतले यो खेलसंगै १६०० अन्तर्राष्ट्रिय खेल खेल्ने तेस्रो राष्ट्रको रेकर्ड राखेको छ । भारतले सन् १९३२ मा पहिलो एक दिवसीय खेलेको थियो ।
भारतले ५३३ टेष्ट, ९५६ एक दिवसीय र ११० टी–२० खेलेको छ ।
सबैभन्दा बढी अष्ट्रेलियाले १८५४ र इंगल्याण्डले १८३३ खेल खेलेको छ ।
