- सुन चाँदी दर
- विनिमय दर
- नेपाली पात्रो
- राशिफल
काठमाडौं । जापानी टेनिस स्टार नाओमी ओसाका पहिलो पटक एसियाबाट विश्व वरियतामा पहिलो नम्बरमा आउने खेलाडी बन्न सफल भएकी छिन् । लगातार दोस्रो ग्राण्डस्लाम उपाधि जित्दै उनी पहिलो नम्बरमा आएकी हुन् ।
शनिबार अष्ट्रेलियन ओपन जित्दै नाओमी पहिलो बनेकी हुन् । मेलबर्नमा भएको फाइनलमा नाओमीले चेक गणतन्त्रकी पेट्रा किभितोभालाई हराएकी हुन् ।
२१ वर्षकी नाओमीले २८ वर्षकी पेट्रालाई ७–६, ५–७ र ६–४ को सेटमा हराएकी हुन् ।
यसअघि सेप्टेम्बरमा नाओमीले अमेरिकी खेलाडी सेरेना विलियम्सलाई हराउँदै युएस ओपन टेनिसको उपाधि जितेकी थिइन् ।
नाओमी एक वर्षअघि विश्व वरियताको ७२ औं स्थानमा थिइन् । तर ब्याक टु ब्याक ग्राण्डस्लाम जितेपछि विश्व नम्बर एक बन्न सफल भएकी हुन् ।
यता पुरुषतर्फको अष्ट्रेलियन ओपनको फाइनलमा आइतबार राफेल नाडाल र नोभाका जोकोभिच भिड्दै छन् । नाडाल १७ तथा जोकोभिच १४ पटकका ग्राण्डस्लाम विजेता हुन् ।
यो प्रतिस्पर्धासंगै कीर्तिमानी स्वीस खेलाडी रोजर फेडेररको कीर्तिमान भंग हुनसक्ने देखिएको छ ।
२० पटक ग्राण्डस्लाम जितेका फेडेररको उपाधि कीर्तिमान धेरै टिक्न नसक्ने अनुमान हुन थालेको छ ।