कार र भ्यान ठोक्किँदा १२ जनाको मृत्यु

प्रकाशित मिति : २०७५ माघ १५ मंगलबार

काठमाडौं । भारतको मध्यप्रदेशस्थित एज्जैन उन्हेल मार्गमा कार र भ्यान ठक्कर खाँदा १२ जनाको मृत्यु भएको छ । 

टाटा हेक्सा कार र मारुती भ्यान सोमबार मध्यराति १२ बजेतिर ठक्कर खाँदा ठूलो क्षति भएको हो । 

दुवै सवारीमा सवारहरु बिबाहमा सहभागी हुन नागदाको बिरलाग्राम गएका थिए । प्रत्यक्षदर्शीका अनुसार उज्जैनबाट तीव्र गतिमा आएको कारले भ्यानलाई ठक्कर दिएको थियो । 

12 killed in road accident

भ्यान करिब ५० फिट टाढा गएर रोकिएको थियो । पुलिस र एम्बुलेन्सको मद्धतले राति १ बजे मृतक र घाइतेलाई जिल्ला अस्पताल पुर्याइएको थियो । 

मृतकमा भारतीय जनता पार्टीका पूर्व मंडल महामन्त्री अर्जुन कायत पनि रहेका छन् । 

दुर्घटनामा एकै परिवारका पाँच जनाको मृत्यु भएको छ । मृतकहरुमा तीन जना बालबालिका पनि रहेका छन् । मृतकहरु २ वर्षदेखि ४५ वर्षका हुन् । 
 

नयाँ