- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश प्रिमियर लिग फुटबलमा म्यानचेस्टर सिटी पराजित हुँदा म्यानचेस्टर युनाइटेडको लगातारको जितको यात्रा रोकिएको छ ।
मंगलबार राति भएको खेलमा सिटी न्युक्यासल युनाइटेडसँग पराजित भयो । सिटीले न्यु क्यासलसँग २–१ को हार बेहोरेको हो ।
घरेलु मैदानमा भएको खेलमा सिटीलाई हार चखाउन जोसे सलोमोन रोनडनल र माट रिट्चीले गोल गरे । सिटीका सर्जियो अग्विरोले गोल गरे ।
सिटीले खेलको सुरुवाती मिनेटमा बनाएको अग्रता जोगाउन सकेन । खेलको पहिलो मिनेटमा नै अग्विरोले गोल गर्दै सिटीलाई अग्रता दिलाए ।
६६औं मिनेटमा जोसे सलोमोनले बराबरी गोल फर्काए । ८०औं मिनेटमा माट रिट्चीले गोल गर्दै न्युक्यासललाई २–१ को जित दिलाए ।
न्यु क्यासलसँगको हारसँगै सिटीले शीर्ष स्थानमा रहेको लिभरपुलसँगको अंक दुरी छोट्याउने मौका गुमायो । यसको प्रत्यक्ष फाइदा भने लिभरपुललाई पुगेको छ । सिटीको २४ खेलबाट ५६ अंक छ । लिभरपुलसँग ४ अंकले पछि परेको छ ।