- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश प्रिमियर लिग फुटबलमा म्यानचेस्टर युनाइटेडको लगातारको जितको यात्रा रोकिएको छ ।
मंगलबार राति भएको खेलमा युनाइटेडले बर्नलीसंग २–२ को बराबरी खेलेको हो । इन्जुरी समयमा निल्ससन लिन्डलफले गोल गरेपछि युनाइटेड बर्नलीसँगको सम्भावित हारबाट जोगिएको हो ।
युनाइटेड घरेलु मैदानमा २–० ले पछि परेको स्थिति उल्ट्याएर बर्नलीसँग खेल २–२ गोलको बराबरीमा खेलेको हो ।
यससँगै युनाइटेडको अपराजित यात्रामा पुर्णविरमा लागेको छ । युनाइटेड अन्तरिम प्रशिक्षक ओलने गनर सोल्सजरको प्रशिक्षणमा लगातार ८ खेलमा जित आत्मसात गरेको थियो ।
ओल्ड ट्राफोर्डमा मंगलबार राति भएको प्रतिस्पर्धात्मक खेलको पहिलो हाफ गोलरहित बराबरीमा सकिएको थियो ।
५१औं मिनेटमा एस्ले बार्नेसको गोलबाट युनाइटेड खेलमा पछि परेको थियो । ८१औं मिनेटमा क्रिस वुडले गोल गरेपछि युनाइेड खेलमा २–० ले पछि परेको थियो ।
तर, त्यसपछि युनाइटेडले उच्च प्रदर्शन गर्दै दुई गोल गर्दै बराबरी गर्न सफल भयो । ८७औं मिनेटमा पल पोग्वाले पेनाल्टीमार्फत गोल गर्दै युनाइटेडलाई खेला फर्कने संकेत गरेका थिए ।
इन्जुरी समयको थप गरिएको तेस्रो मिनेटमा निल्ससन लिन्डलफले गोल गर्दै युनाइटेडलाई हारबाट जोगाए ।
बराबरी युनाइटेडले चौथो स्थानमा रहेको चेल्सीसँगको अंक बराबरी गर्ने मौका गुमायो । युनाइटेड २४ खेलबाट ४५ अंक जोडेर छैटौ स्थानमा झरेको छ । बर्नली २३ अंक जोडेर १५ औं स्थानमा छ ।
प्रिमियर लिगका अन्य खेलका नतिजा
आर्सनल २–१ कार्डिफ सिटी
फुल्हम ४–२ ब्राइटन एण्ड होभ आल्बियन
हडर्सफिल्ड ०–१ एभर्टन
वुल्भरह्याम्पटन ३–० वेस्टह्याम युनाइटेड