- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश प्रिमियर लिग फुटबलमा चेल्सीले लज्जास्पद हार बेहोरेको छ । चेल्सीले बुधबार रातिको खेलमा एएफसी बर्नमाउथसँग ४–० को लज्जास्पद हार बेहोरेको हो ।
घरेलु मैदानमा खेलेको बर्नमाउथलाई जिताउन जोसुवा किङले २ तथा डेभिड ब्रुक्स र चार्ली ड्यानियल्सले समान १ गोल गरे ।
बर्नमाउथमा बुधबार राति भएको खेलको पहिलो हाफ गोलरहित बराबरीमा सकिएको थियो । तर, घरेलु टोली बर्नमाउथले दोस्रो हाफमा ४ गोल गर्न सफल भयो ।
४७ औं मिनेटमा जोसुवा किङले डेभिड ब्रुक्सको पासमा गोल गर्दै घरेलु टोलीलाई अग्रता दिलाए । ६३औं मिनेटमा डेभिड ब्रुक्सले गोल गर्दै अग्रता दोब्बर बनायो ।
७४औं मिनेटमा जोसुवा किङले टिमका लागि तेस्रो तथा व्यक्तिगत दोस्रो गोल गरेपछि बर्नमाउथ ३–० ले अघि बढ्यो ।
इन्जुरी समयको थप गरिएको पाँचौ मिनेटमा चार्लीले गोल गर्दै चेल्सीलाई ४–० को लज्जास्पद हार चखाए । हारसँगै चेल्सी पाँचौ स्थानमा झरेको छ ।
समान खेलबाट समान ४७ अंक रहे पनि चेल्सी गोल अन्तरमा आर्सनलसँग पछि परेको हो । चेल्सीलाई पराजित गरेको बर्नमाउथ ३३ अंक जोडेर १०औं स्थानमा छ ।
चेल्सीको २२ वर्षकै सबैभन्दा खराव खेल रह्यो बुधबार राति । यत्तिको खराव खेल प्रिमियर लिगमा २२ वर्षको अवधिमा नखेलेको रेकर्ड छ । कमजोर टिमसंग पूर्व विजेताले देखाएको प्रदर्शन पूरै निराशाजनक रह्यो ।