- सुन चाँदी दर
- विनिमय दर
- नेपाली पात्रो
- राशिफल
काठमाडौं । पोर्चुगिच स्टार क्रिष्टियानो रोनाल्डो निरीह बनेको दिन युभेन्टसले सिजनकै लज्जास्पद हार भोगेको छ ।
डिफेन्डिङ च्याम्पियन तथा चार पटकको विजेता युभेन्टस कोपा इटालिया फुटबलको क्वाटरफाइनलबाटै बाहिरिएको हो ।
बुधबार राति भएको खेलमा युभेन्टस एटलान्टासँग ३–० ले पराजित हुदै क्वाटरफाइनलबाटै बाहिरिएको हो ।
एटलान्टालाई सेमिफाइनलमा पुर्याउन डुभान जापाटाले २ तथा टिमोथी कास्टागनेले १ गोल गरे ।
घरेलु टोली एटलान्टाले ३७औं मिनेटमा टिमोथी कास्टाग्नेको गोलबाट खेलमा अग्रता बनाएको थियो । त्यसको दुई मिनेट पछि नै डुभान जापाटाले गोल गरेपछि एटलान्टाले पहिलो हाफमा २–० को अग्रता बनाएको थियो ।
८६औं मिनेटमा डुभान जापाटाले व्यक्तिगत दोस्रो तथा टिमका लागि तेस्रो गोल गर्दै एटलान्टालाई ३–० को जित दिलाए ।
यो हार सिजनकै युभेन्टसका लागि खराव हार हो । युभेन्टस एक उपाधि जितबाट चुकेको छ । यसको सबैभन्दा ठूलो असर महंगा खेलाडी रोनाल्डोलाई परेको छ ।
उनी मैदानमै रोएका थिए ।
फियोरेन्टिना पनि सेमिफाइनलमा पुगेको छ । फियोरेन्टिनाले क्वाटरफाइनलमा एएस रोमालाई ७–१ ले हरायो ।
फेडेरिको शेसाले ह्याट्रिक गरे भने जियोभानी सिमोनेले २ गोल गरे ।