भेनेजुएलामा स्थिति झन् गम्भीर, राष्ट्रपति र विपक्षी नेताको छुट्टाछुट्टै शक्ति प्रदर्शन

प्रकाशित २०७५ माघ २० आइतबार

काठमाडौं । भेनेजुएलामा राजनीतिक अस्थिरता झन् गम्भीर मोडमा पुगेको छ । त्यहाँको राजनीतिलाई लिएर विश्वका मुलुकहरु नै विभाजित भइरहँदा आपसमा आक्रोश बढ्दो छ ।

वर्तमान राष्ट्रपति निकोलस मादुरो र विपक्षी नेता जुवान गुआइदोले आफ्ना समर्थकहरु सडकमा उतारेका छन् । उनीहरुले शक्ति प्रदर्शन गरेका छन् ।

राजधानी कारागारमा भएका छुट्टाछुट्टै प्रदर्शनमा सहभागीहरुले आ–आफ्नो पक्षमा नाराबाजी गरेका थिए ।

राष्ट्रपति निकोलस मादुरोका समर्थकहरुले विपक्षी नेता जुवान गुआइडोलाई विना कारण अरु देशले उचालेको आरोप लगाए ।

खाकी रंगको टिसर्टमा सडकमा उत्रिएकाहरुले निर्वाचनमा हारेका ब्यक्तिले आफूलाई राष्ट्रपति घोषणा गरेकोमा आपत्ति जनाउँदै उनलाई कुनै पनि हालतमा राष्ट्रपति मान्न आफूहरु तयार नरहेको बताए ।

यता राष्ट्रपति मादुरोको बिरोधमा काराकासमै गुआइदोका समर्थकहरुले पनि विशाल प्रदर्शन गरेका छन् । उनीहरुले तत्काल निष्पक्ष निर्वाचनको वातावरण बनाउन माग गर्दै र्याली निकाले ।