- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली क्रिकेटले इतिहास रच्न अब केही घण्टामात्र बाँकी छ । अनुकुल नतिजा ल्याउन सक्यो भने नेपालले फेरि अर्को इतिहास आफ्नो नाममा लेखाउने छ ।
नेपाली राष्ट्रिय क्रिकेट टोलीले आइतबार दिउँसो युएईसँग तेस्रो तथा अन्तिम टी–२० क्रिकेट खेल्दैछ । यूएई भ्रमण सकाउनुअघि नेपाललाई सुन्दर इतिहास रच्ने अवसर छ ।
यो खेलमा नतिजा आफ्नो पक्षमा पार्न सके नेपालले पहिलो पटक अन्तर्राष्ट्रिय टी–२० सिरिज जित्नेछ । सिरिजमा अहिले १–१ को बराबरी छ । पहिलो खेलमा नेपाल २१ रनले पराजित भएको थियो भने दोस्रो खेलमा ४ विकेटले विजयी भएको थियो ।
नेपालले युएईमाथि एक दिवसीय सिरिज २–१ ले जितेर इतिहास रचेको थियो । १–० ले पछि परेको अवस्थामा नेपालले एक दिवसीय सिरिज जितेकाले त्यही इतिहास टी–२० मा पनि गर्न खोज्दैछ ।
गल्ती सुधारे कीर्तिमान पोल्टामा
गल्ती सुधार गर्ने हो भने नेपालले इतिहास रच्न गाह्रो छैन । तर नेपालको ब्याटिङमा अझै समस्या छ । पहिलो विकेटको पार्टनरसिप हुन सकेको छैन ।
महत्वपूर्ण खेलमा नयाँ नयाँ प्रयोग नै दुर्भाग्य हो । अहिलेसम्म ओपनिङ जोडी सेट हुन सकेको छैन । प्रशिक्षकले खेलाडीको अवस्था बुझ्न सकेका छैनन् ।
खेलाडीहरु खुलेर खेल्न सकेका छैनन् । एक खेलमा देखाएको प्रदर्शनले अर्को खेलमा काम गरेको छैन ।
टी–२० का दुई खेल हेर्ने हो भने सुरुवाती पार्टनरसिप नै छैन । पहिलो खेलमा शीर्ष पाँच ब्याट्सम्यानको रन जोड्दा ४० रन पुगेको थियो । दोस्रो खेलमा पाँच सुरुवाती ब्याट्सम्यानले ४६ रन जोडेका थिए ।
युएईले अब तेस्रो खेल जित्न न्वारनको बल लगाउने नै छ । नेपाली टिम त्यसका लागि तयार छ त ? जित हार हुन्छ नै । तर कन्फिडेन्स भएर खेल्ने हो भने मात्र जित निश्चित छ ।