- सुन चाँदी दर
- विनिमय दर
- नेपाली पात्रो
- राशिफल
काठमडौं । लामो समयको खोजविनपछि अन्ततः इंगलिश प्रिमियर लिग फुटबल क्लब कार्डिफ सिटीका खेलाडी एमिलियानो सालाको शव फेला परेको छ । उनको शव समुद्रको ६७ मिटर मुनि रहेको विमानको भग्नावशेषबाट निकालिएको छ ।
उनको जिवितै फेला पार्ने सम्भावना नरहेपछि विमान बेपत्ता भएको अर्को दिन नै खोजी रोकिएको थियो । तर जनवरी २१ मा बेपत्ता भएको विमान निजी पहलमा खोजी भइरहेको थियो ।
उक्त क्रममा गत आइतबार साला सवार विमानको भग्नावशेष इंगलिश च्यानलमा भेटिएको थियो । सोही विमानको भग्नावशेषमा एउटा शव देखिएको थियो ।
उक्त शव परीक्षणपछि बिहीबार मात्रै सालाको भएको पुष्टि भएको थियो ।
फ्रान्सको नान्टेसबाट कार्डिफका लागि उडेको सानो आकारको विमानमा अर्जेन्टिनी स्ट्राइकर सालासँगै पाइलट डेविड इबोस्ट्सन थिए ।
कार्डिफले सालालाई जनवरीमा क्लबको कीर्तिमानी मूल्य १५ मिलियन पाउण्डमा अनुबन्धित गरेको थियो ।
पाइलट डेविडको शव भने अझै भेटिएको छैन ।
सालाकी दिदीले शव फेला पर्नासाथ भावपूर्ण विदाइ गरेकी छिन् । उनले सालाको आत्मा सधैभरि चम्किरहने बताएकी छिन् ।