- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतको उत्तरप्रदेश र उत्तराखण्डका चार जिल्लामा विषादीयुक्त मदिरा सेवनले ज्यान गुमाउनेको संख्या शनिबार रातिसम्म १०६ पुगेको छ ।
स्वास्थ्य विभागका अनुसार सबैभन्दा बढी ५५ जनाको मृत्यु सहारनपुरमा भएको छ । मेरठमा १८, कुशीनगरमा १० तथा उत्तराखण्डमा २६ जनाको मृत्यु भएको छ ।
मदिरामा स्प्रिट वा मुसा मार्ने बिष राखिएको हुन सक्ने बताइएको छ ।
उत्तरप्रदेशका मुख्यमन्त्री योगी आदित्यनाथले प्रमुख सचिव र डीजीपीलाई मदिरा माफियाका विरुद्धमा कडा कार्वाही गर्नुका साथै दोषी अधिकारीहरुलाई निलम्बन गर्न निर्देशन दिइसकेका छन् ।
उत्तराखण्डका मुख्यमन्त्री त्रिवेन्द्र सिंह रावतले मृतकका परिवारलाई जनही २–२ लाख भारतीय रुपैयाँ दिने घोषणा गरेका छन् ।
सहारनपुरका एसएसपी दिनेशकुमारले घटनापछि ३० जनालाई गिरफ्तार गरिएको बताए । नेताहरुको संरक्षणमा मदिराको धन्धा चलाएको आरोप लगाइएको छ ।
थुप्रै मदिरासेवनकर्ताको हालत गम्भीर रहेको भारतीय संचारमाध्यमहरुले बताएका छन् ।