-
-
-
-
काठमाडौं । भारतीय प्रधानमन्त्री नरेन्द्र मोदी दुई दिने दक्षिण कोरिया भ्रमणमा रहेका छन् । बिहीबार बिहान सियोल पुगेका मोदी राष्ट्रपति मुन जे इनसंग विशेष रणनीतिक साझेदारी गर्नका लागि कोरिया पुगेका हुन् । उनले मुनसंग छलफल गर्नेछन् ।
मोदीलाई सियोल शान्ति पुरस्कारबाट पनि सम्मानित गरिने छ । सन् १९८८ मा सियोल ओलम्पिकको सफल आयोजनापछि यो पुरस्कार दिन थालिएको हो ।
मोदी यो सम्मान लिने १४ औं ब्यक्ति हुन् । मोदीले इन्डिया–कोरिया बिजनेस सिम्पोजियममा पनि सम्बोधन गर्दैछन् ।
लोकसभा चुनावभन्दा अगाडि मोदीको यो अन्तिम विदेश भ्रमण हुन सक्ने भारतीय संचारमाध्यमहरुले बताएका छन् ।
कोरिया भ्रमणपछि मोदी भुटान जान सक्ने सम्भावना भने औंल्याइएको छ ।
मोदीले कोरियामा रहेका भारतीय समुदायसंग पनि छलफल गरेका छन् ।
