- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश प्रिमियर लिग क्लबहरु चेल्सी र आर्सनल युरोपा लिग फुटबलको प्रिक्वार्टरफाइनलमा पुगेका छन् ।
बिहीबार राति घरेलु मैदानमा खेलेको चेल्सीले माल्मोलाई पराजित गर्दै यूईएफए दोस्रो लेगमा ३–० को जितसहित अन्तिम १६ मा पुगेको हो ।
निकै प्रतिस्पर्धात्मक खेलको पहिलो हाफमा दुवै टोलीले गोल गर्न सकेनन् । दोस्रो हाफको ५५ औं मिनेटमा ओलिभर जिरुले गोल गर्दै चेल्सीलाई अग्रता दिलाए ।
७३ औं मिनेटमा रास्मस बेङगस्टन दोहोरो पहेंलो कार्ड खाँदै बाहिरिएपछि माल्मो १० खेलाडीमा सीमित भयो ।
त्यस लगत्तै रस बार्कलीले फ्रिकिकमा उत्कृष्ट गोल गर्दै चेल्सीलाई थप अग्रता दिलाए ।
८४ औं मिनेटमा क्यालम हड्सन ओडोईले अर्को गोल थप्दै चेल्सीको जित पक्का गरे । पहिलो लेगमा चेल्सी २–१ ले विजयी रहेको थियो ।
चेल्सी समग्रमा ५–१ ले विजयी भएको हो ।
त्यसैगरी आर्सनलले बाते बोरिसोभलाई ३–१ ले पराजित गर्दै अन्तिम १६ मा स्थान बनाएको हो ।
पहिलो लेगमा १–० ले पछि परेको आर्सनलले दोस्रो लेगमा बिहीबार राति घरेलु मैदानमा ३–० को जित निकाल्यो ।
चौथो मिनेटमै जाकर भोल्कोभको आत्मघाती गोलबाट अग्रता पाएको आर्सनलका लागि ३९ औं मिनेटमा सोकोद्रान मुस्ताफी र ६० औं मिनेटमा सोक्रातिस पापास्ताथोपुोलुसले गोल गरेका थिए ।