कोलम्बियासँगको कुटनीतिक सम्बन्ध तोड्यो भेनेजुएलाले, हिँसा बढ्दो
प्रकाशित २०७५ फागुन १२ आइतबार
292
Shares
काठमाडौं । भेनेजुएलाले कोलम्बियासँगको कुटनीतिक सम्बन्ध तोडेको छ । सीमा क्षेत्रमा हिंसा फैलाउन मद्धत गरेको आरोप लगाउँदै भेनेजुएलाले कोलम्बियासँगको सम्बन्ध तोडेको जनाएको छ ।
यो निर्णयले भेनेजुएलामा हिंसा झनै बढेको छ । भेनेजुएला सरकारले सीमावर्ती नाका बन्द गरेपछि विपक्षी कार्यकर्ताहरुले प्रदर्शन चर्काएका छन् ।
हजारौं विपक्षी कार्यकर्ता मैदानमा रहेका छन् । त्यस क्रममा प्रहरी र प्रदर्शनकारीबीच भिडन्तसमेत भएको छ ।
प्रदर्शनकारीलाई साथ दिँदै केही सुरक्षाकर्मीले चौकीसमेत छाडेका छन् ।
भेनेजुएलाका राष्ट्रपति निकोलस मडुरोले कोलम्बियासँगको सीमा नाकासमेत पूर्ण रुपमा बन्द गर्न निर्देशन दिएका छन् ।
कोलम्बियामा प्रवेश गर्न खोज्ने हजारौं भेनेजुएलालीलाई रोक्ने र वैदेशिक राहत सामग्री भित्रन नदिने प्रयासस्वरुप ती नाका बन्द गरिएको जनाइएको छ ।
तर प्रतिपक्षीका नेताहरुले भने सामग्रीको पहिलो राहत भेनेजुएला पुगिसकेको दावी गरेका छन् ।
