- सुन चाँदी दर
- विनिमय दर
- नेपाली पात्रो
- राशिफल
काठमाडौं । अमेरिकी राष्ट्रपति डोनाल्ड ट्रम्पसंगको दोस्रो औपचारिक भेटवार्ताका लागि उत्तर कोरियाका नेता किम जोङ–उन भियतनाम गएका छन् ।
किमले रेलमै २७०० किलोमिटरको यात्रा तय गर्नेछन् ।
उनी शनिबार नै रेल चढेर भियतनामतिर लागेका थिए । भियतनाममा यही फेब्रुअरी २७ र २८ मा किम–ट्रम्पबीच औपचारिक भेटवार्ता हुँदैछ ।
यसअघि गत वर्ष जुन महिनामा सिंगापुरमा पहिलो ऐतिहासिक भेटवार्ता भएको थियो ।
भियतनाम हिँडेका किमसंग उनकी बहिनी किम यो जोङ र उनका प्रमुख सहयोगी पूर्व जनरल किम योङ चोल पनि रहेको बीबीसीले जनाएको छ । बुधबार र बिहीबार हुने वार्ताको चासो विश्वलाई नै रहेको छ ।
यसपटकको वार्तामा पहिलो वार्ताका सहमतिहरु कार्यान्वयन गर्ने विषयमा जोड दिइने बताइएको छ ।