श्रीनगर । जम्मू-कश्मीरको ग्रीष्मकालीन राजधानी यानी श्रीनगरमा शनिवार अफवाह, आशंकाको धेरै खेती भयो । केन्द्र सरकारले फेरि पनि पाकिस्तानी समर्थक संगठन जमात-ए-इस्लाममाथि कारबाहीको लागि फौज समेत थपिरहेको थियो। कश्मीर उपत्यकामा युद्धको वातावरण चलिरहेको छ। यसैबीच आईतबार उपत्यकामा रहेका अलगाववादी नेताहरुको आह्वानमा काश्मिर उपत्यका पूर्णरुपमा बन्द गरिएको छ । त्यसैलाई देखेर सुरक्षा बलले पनि आई अलर्ट देखाएका छन् । 

एकाएक भएको यस्तो एक्सनको कुनैपनि खास कारण बताउन प्रहरी पनि सक्षम छैन । यसैबीच भारतको सुप्रीम कोर्टमा आर्टिकल ३५ए लाई चुनौती दिनेखालको याचिकामाथि यसै हप्ता सुनुवाई हुने सम्भावना रहेको छ । यसमा कश्मीर उपत्यकामा यस्तो पनि चर्चा चलिरहेको छ कि केन्द्रको मोदी सरकार अध्यादेश मार्फत् सो आर्टिकललाई निस्प्रभावी बनाउने तयारी चलिरहेको छ । 

आर्टिकल ३५ए, जसमा जम्मू-कश्मीरको अलावा बाँकी राज्यको मानिसले पनि यो राज्यमा अचल सम्पत्ति खरिद गर्ने, स्थायी तरिकाले निवास गर्ने तथा राज्य सरकारको योजनाहरुको प्राप्त गर्नको लागि निषेध गरेको छ । जेकेएलएफका प्रमुख यासीन मलिकका गिरफ्तारी पछि केन्द्रीय गृह मन्त्रालयलाई यहाँ तात्कालिक तरिकाले शुक्रवार १०० कम्पनी प्यारा मिलिट्री फोर्स तैनात गर्न पनि आदेश दिइएको छ । जम्मू-कश्मीरमा तत्काल सीआरपीएफको ४५, बीएसएफको ३५, एसएसबीका १० तथा आईटीबीपीको १० कम्पनीलाई तैनाथ गरिएको छ । सरकारी यो तयारीले छिट्टै नै अलगाववादी सं‌गठनसँग छिट्टै भीडन्तको आशंका समेत गरिएको छ ।

यस सम्बन्धमा आदेश जारी गरेपनि यसको कारण बारे भने सरकारले भने कुनैपनि कारण बताएको छैन । जम्मू=कश्मीर पुलिसलाई बीएसएफ तथा आईटीबीपीको आदेश छ कि सीआरपीएफको सैनिकहरुले चेक पोष्टमा स्ट्याटिक गार्ड ड्यूटी आफ्नो हातमा लिने छन् । शुक्रवार राति अबेर प्रमुख डा। अब्दुल हामिद फयाज तथा सबै पदाधिकारीहरुको साथ साथ दर्जनौं नेताहरुलाई पुलिसले गिरफ्तार समेत गरेको छ । उनीहरुलाई काश्मिर उपत्यकाको विभिन्न स्थानबाट पक्राउ गरिएको छ । 

शनिवार अनन्तनाग, बाँदीपोरा तथा श्रीनगरका केही हिस्सामा स्थानीय मानिस तथा सुरक्षाबलकाबीच झडपको स्थिती देखिएको थियो । अलगाववादी नेता सैयद अली शाह गिलानी तथा मीरवाइज उमर फारूकले कथित एकतरलाई सामूहिक गिरफ्तारी, रातमा छापामारी, राज्यको कथित दबावका कारण मानिसमा असुरक्षाको भावना, सेन्सरशिप आदिको विरोधमा आइतबार पूरै काश्मिर बन्दको आह्वान गरिएको छ ।