लिभरपुलले म्यानचेस्टर युनाइटेडसंग बराबरी खेल्दा आर्सनल अगाडि लाग्यो
प्रकाशित २०७५ फागुन १३ सोमबार
328
Shares
काठमाडौं । लिभरपुल पुनः इंगलिश प्रिमियर लिग फुटबलको शीर्ष स्थानमा पुगेको छ । आइतबार रातिको खेलमा म्यानचेस्टर युनाइटेडसँग गोलरहित बराबरी खेलेपछि लिभरपुल पुनः प्रिमियर लिगको शीर्षस्थानमा उक्लेको हो ।
घरेलु मैदानमा युनाइटेडले पहिलो हाफमा गोलका केहि राम्रो अवसर पाएर पनि गोल गर्न सकेन ।
जेसी लिङगार्डको प्रयासलाई लिभरपुलका गोलकिपर एलिसनले विफल पारे भने एन्ड्रियु रोबर्टसनको कर्नरमा जोन माटिपको प्रहार क्रसबारमा लागेर फर्केको थियो ।
त्यस्तै एस्ले योङको क्रसमा पाउल पोग्बो हेड क्रसबारमा लाग्यो ।
यो नतिजापछि लिभरपुलको ६६ अंक पुगेको छ । साविक विजेता म्यानचेस्टर सिटीको भन्दा लिभरपुलको १ अंक बढी छ । युनाइटेडको ५२ अंक पुगेपछि शीर्ष चार स्थानबाट तल झरेको छ ।
अर्को खेलमा आर्सनलले साउथ ह्याम्पटनलाई २–० ले हराएको छ ।
छैटौं मिनेटमा एलेक्सन्डर लाकाजेटको गोलमा अग्रता लिएको आर्सनलका लागि हेनरिक मखातारेयिनले १७ औं मिनेटमा गोल गरेका थिए ।
२७ खेलपछि टोटेननह्याम ६० अंकसहित तेस्रो स्थानमा रहँदा आर्सनल ५३ अंकसहित चौथो स्थानमा पुगेको छ ।
म्यानचेस्टर युनाइटेडले बराबरी खेल्दा नै आर्सनललाई फाइदा भएको छ ।
