- सुन चाँदी दर
- विनिमय दर
- नेपाली पात्रो
- राशिफल
काठमाडौं । जम्मू कश्मीरको पुलवामामा आतंककारीको हमलामा ४६ भारतीय सुरक्षाकर्मी मारिएपछि बढेको भारत र पाकिस्तानबीचको तनाव अझै मत्थर भएको छैन ।
भारतीयहरु पाकिस्तानमाथिका सबै सहयोग र सम्बन्ध तोड्न चाहिरहेका बेलामा पाकिस्तानी प्रधानमन्त्री इमरान खान केही नरम देखिएका छन् ।
उनले भारतीय प्रधानमन्त्रीलाई अपील गर्दै शान्तिका लागि एक मौका दिन आग्रह गरेका छन् ।
मोदीले यसपटक हिसाब बराबर हुन्छ भनेको अर्को दिन खानको यस्तो आग्रह आएको हो ।
मोदीले राजस्थानमा बोल्दै पुलवामा हमलाका दोषीलाई भारतले छोड्ने छैन भनेका थिए ।
उनले नयाँ भारतको नीतिअनुसार दुःख नसहने रहेको खुलाउँदै यसपटक हिसाब बराबर गरेर देखाउने बताएका थिए ।
मोदीले आतंकवादलाई कसरी कुल्चनु पर्छ भनेर जानकारी रहेको समेत बताएका थिए ।