डिफेन्डिङ च्याम्पियन रियाल मड्रिड यसरी गुल्टियो, नाचोलाई रातो कार्ड
प्रकाशित २०७५ फागुन २२ बुधबार
262
Shares
काठमाडौं । स्पेनिश क्लब रियाल मड्रिड युइएफए च्याम्पियन्स लिग फुटबलको क्वार्टरफाइनलमा प्रवेश गर्न सफल भएको छ । लिग अन्तर्गत प्रि–क्वार्टरफाइनलमा नेदरल्याण्डसको क्लब आयाक्ससंग रियालले घुँडा टेकेको हो ।
घरेलु मैदानमा खेलेको रियालले बुधबार बिहान ४–१ को लज्जास्पद हार खाएपछि बाहिरिनु परेको हो । पहिलो लेगको खेलमा आयाक्सको मैदानमा रियाल २–१ ले विजयी भएको थियो ।
सान्टियागो बर्नबेउमा बिना फर्म दौडिएको रियालमाथि हावी भएको आयाक्सले ७ मिटमै हाकिम जिएक्सको गोलबाट अग्रता बनाएको थियो ।
१८ औं मिनेटमा डेभिड नेरेसले गोल गर्दै २–० को अग्रता बनाएपछि रियालले घरेलु समर्थकमाथि निरिहता प्रस्तुत गर्यो ।
६२ औं मिनेटमा दुसान टाडिकले गोल गरेपछि त रियाल सकियो नै ।
७० औं मिनेटमा मार्को असेन्सियोले गोल गर्दै रियालले सान्त्वना बनायो ।
तर त्यसको दुई मिनेटमै लास्से सोएनेले गोल गरेपछि आयाक्स ४–१ ले विजयी भयो ।
अताल्लिएको रियालका नाचो फर्नान्डेजले डबल यलो कार्ड खाँदै बाहिरिनु परेको थियो ।
निराश रियालका लागि पहिलो लेगमा पाएको २–१ को जित नै ठूलो रह्यो । पहिलो लेगको खेलमा भिएआर विवाद चुलिएको थियो । पहिलो लेगमा करिम बेन्जेमा र मार्को एसेन्सियोले गोल गरेका थिए ।
डिफेन्डिङ च्याम्पियन रियालले बुधबार बिहान अनपेक्षित नै खेल्यो । १३ पटकको च्याम्पियनले १०१३ दिनसम्म आफ्नो पकडमा राखेको उपाधि खोसिएको हो ।
