- सुन चाँदी दर
- विनिमय दर
- नेपाली पात्रो
- राशिफल
काठमाडौं । इन्जुरी समयमा मार्कस रस्फोर्डले गोल गर्दै इंगलिश क्लब म्यान्चेस्टर युनाइटेडलाई युइएफए च्याम्पियन्स लिग फुटबलको क्वार्टरफाइनलमा पुर्याएका छन् ।
फ्रेन्च क्लब पेरिस सेन्ट जर्मेन पिएसजी विरुद्धको प्रिक्वार्टरफाइनल खेलमा निकै नै सनसनीपूर्ण खेलको इन्जुरीमा भीएआर निर्णयमा पेनाल्टीमार्फत गोल गर्दै मार्कसले युनाइटेडलाई क्वार्टरफाइनलमा पुर्याएका हुन् ।
पिएसजीको मैदानमा भएको पिक्वार्टरफाइनलको दोस्रो लेगको खेलमा युनाइटेडले ३–१ ले विजयी भयो ।
पहिलो लेगमा घरेलु मैदानमा २–० ले पराजित भएको युनाइटेडले नतिजा उल्टाउँदै ३–१ ले दोस्रो लेग जितेपछि समग्रमा ३–३ को बराबरी भयो ।
तर अवे गोलका आधारमा युनाइटेड क्वार्टरफाइनलमा पुग्यो ।
दोस्रो लेगमा रोमेलु लुकाकुले दुई गोल गरे । घरेलु मैदानमै खेल हारेर प्रतियोगिताबाट बाहिरिएको पिएसजीका लागि हुँवा बर्नाटले गोल गरेका थिए ।
त्यसैगरी एफसी पोर्टो पनि क्वार्टरफाइनलमा पुगेको छ । पोर्टोले एएस रोमालाई समग्रमा ४–३ ले हरायो ।
घरेलु मैदानमा दोस्रो लेगमा ३–१ ले हराएको पोर्टोले पहिलो लेगमा २–१ को हारको नतिजा भोगेको थियो ।
पोर्टोलाई विजयी गराउन टिक्न्हिो, मौसा मारेगा र एलेक्स टेलेसले गोल गरे । रोमाका रोसीले गोल गरेका थिए ।
बिहीबार बिहान दुवै खेलमा नतिजा उल्टिएको हो ।