- सुन चाँदी दर
- विनिमय दर
- नेपाली पात्रो
- राशिफल
काठमाडौं । अमेरिकाको व्यापारघाटा दशककै उच्च बन्न पुगेको छ । अमेरिकी राष्ट्रपति डोनाल्ड ट्रम्पको आयात कर बढाउने नीतिका बीच व्यापारघाटा चुलिएको हो ।
बुधवार अमेरिकाको वाणिज्य मन्त्रालयले दिएको जानकारीअनुसार अमेरिकाको व्यापारघाटा ६ खर्ब २१ अर्ब डलर पुगेको हो ।
सन् २०१८ को व्यापारघाटा अमेरिकाको लागि सन् २००८ यताकै सबैभन्दा उच्च हो । अमेरिकाको चीनसँगको व्यापारघाटा पनि उल्लेख्य बढेको छ । सो अवधिमा चीनसँगको व्यापारघाटा ११ दशमलव ६ प्रतिशतले बढेको हो ।
अमेरिकाको चीनसँगको व्यापारघाटा ४ खर्ब १९ अर्ब डलर पुगेको हो । गतवर्ष अमेरिकाको आयात पनि बढेर २६ खर्ब डलर पुगेको छ ।
अमेरिकाको व्यापारघाटा डिसेम्बर १८ दशमलव ८ प्रतिशत बढेर ५९ अर्ब ८० करोड डलर पुगेको छ । यो सन् २००८ को अक्टोबरयताकै उच्च हो ।
डिसेम्बरमा लगातार तेस्रो महीना निर्यातमा कमी आउनुका साथै आयात बढेकाले अमेरिकाको व्यापारघाटा बढेको हो ।
अहिले अमेरिका चीनसँगको व्यापारवार्ताको क्रममा रहेकोमा यस्तो नतिजा सार्वजनिक भएको हो । यसले ट्रम्पको व्यापारिक नीतिबारे पनि प्रश्नचिन्ह उठेको छ ।