- सुन चाँदी दर
- विनिमय दर
- नेपाली पात्रो
- राशिफल
नयाँ दिल्ली । एयर स्ट्राईकको विरोध गरेको भन्दै काँग्रेसका एक नेताले राजीनामा दिएका छन्। बिहार कांग्रेसका एक वरिष्ठ नेताले पार्टी नेतृत्वले एयर स्ट्राईकको विरोध गरेको भन्दै पार्टीबाट राजीनामा दिएका हुन् ।
भारतीय वायुसेनाद्वारा पाकिस्तानमा गएर बालाकोट स्थित जैश ए मोहम्मदको क्याम्पमा एयर स्ट्राइक पछि देशमा राजनीतिक उतारचढाव बढ्दै गएको छ । कांग्रेसका कैयौं नेताहरु सेनाको एयरस्ट्राईकको बारेमा प्रश्न उठाएपछि त्यसको बारेमा सामाजिक सञ्जालका साथ-साथ बाहिर समेत आलोचना भइरहेको छ ।
केही दिन पहिले नै काँग्रेस नेता कपिल सिब्बलले भनेका थिए कि मलाई त्यतिबेला मात्रै चैन आउँछ र म त्यतिबेला मात्रै यो विश्वास गर्न सक्छु यस बारे जतिबेला ती आतंककारीको लास देखिन्छ । त्यस्तै अभिव्यक्ति कांग्रेस नेता नवजोत सिंह सिद्धूले पनि ट्वीटमार्फत बताएका थिए ।
कांग्रेस नेताहरुको यस्तो धेरै बयानबाजीबाट दुखि भएर बिहार कांग्रेसका प्रवक्ता विनोद शर्माले पार्टीबाट राजीनामा दिएका हुन् । मिडियासँगको छलफलमा विनोद शर्माले भनेका छन् कि, 'एयर स्ट्राईकबारे सेनाबाट आतंककारी सूची माग्नु यो निश्चित रूपले दुर्भाग्यपूर्ण कुरा हो ।
कुनैपनि देशको राजनीतिक पार्टीका लागि यस तरहको कुरा जायज होइन ।' उनले १००० किलोको बम खसाल्दा कुनैपनि आतंककारीको नामनिशाना नहरने भन्दै त्यो माग्नु नै गलत हुने उनको बुझाइ छ।