मेटिँदै आइएसको अस्तित्व, १५ सय लडाकु रहेको बागुज गाउँमा अमेरिकी सेनाको आक्रमण
प्रकाशित २०७५ फागुन २७ सोमबार
323
Shares
काठमाडौं । विश्वलाई नै तहसनहस पार्ने लक्ष्यसहित हतियार उठाएको आतंकवादी समूह इस्लामिक स्टेट आइएस बिस्तारै मेटिँदै गएको छ ।
आतंकवाद निस्तेज पार्ने अभियानमा लागेको अमेरिकाले आइएसको कब्जामा रहेको सिरियाको एक भूभागमा कार्वाही थालेको छ ।
अमेरिकी गठबन्धन सेनाले भीषण कारबाही सुरु गरेको हो । आइएसको अन्तिम कब्जामा रहेको बागुज गाउँमा अमेरिकी सहयोग रहेको सिरियाली डेमोक्रेटिक फोर्सले आक्रमण सुरु गरेको हो ।
यो क्षेत्रमा अझै आइएसका सयौं लडाकु रहेको बताइएको छ । आइएसको नियन्त्रण रहेको क्षेत्रलाई घेराबन्दी गरेर प्रवेश गरेको सेनाले कारबाही गरिरहेको छ ।
गठबन्धन सेनाले यो गाउँमा १ हजार ५ सयसम्म आइएसका लडाकु भएको अनुमान गरेको छ । सिरियाको बागुज गाउँलाई कुर्द र अरब सेनाले घेरा हालेका छन् ।
आइएसका लडाकुले यो स्थानबाट नागरिकलाई बाहिर निकाल्न भन्दै आफ्नो अभियान रोकेका बेला गठबन्धन सेनाले आक्रमण गरेको हो ।
