-
-
-
-
काठमाडौं । चिनियाँ टेलिकम कम्पनी हुवावेसँग सहकार्य नगर्न अमेरिकाले जर्मनीलाई चेतावनीपूर्ण दबाव दिएको छ । जर्मनीले ‘फाईभ–जी’ टेलिकम विस्तारको ठेक्का चिनियाँ कम्पनी हुवावेलाई दिने तयारी गरिरहँदा अमेरिकाले यस्तो चेतावनी दिएको हो ।
जर्मनीले चिनियाँ कम्पनीसँग सहकार्य जारी राखे जासुसी र अनुसन्धानमा अमेरिकाले सहयोग बन्द गर्ने चेतावनी अमेरिकाले दिएको वाल स्ट्रिट जर्नललाई उधृत गर्दै बीबीसीले जनाएको छ ।
जर्मनीका लागि अमेरिकी राजदूत रिचर्ड ग्रेनेलले जर्मन सरकारलाई पत्र लेख्दै हुवावेसँग कुनै पनि सहकार्य नगर्न आग्रह गरेका हुन् ।
हुवावेसँगको सहकार्यले आफ्नो सुरक्षा गोपनियता भंग हुने अमेरिकाको तर्क छ ।
