- सुन चाँदी दर
- विनिमय दर
- नेपाली पात्रो
- राशिफल
काठमाडौं । पोर्चुगिच खेलाडी क्रिस्टियानो रोनाल्डोको ह्याट्रिकको सहयोगमा ईटालियन क्लब युभेन्ट्स युइएफए च्याम्पियन्स लिग फुटबलको क्वार्टरफाइनलमा प्रवेश गरेको छ ।
बुधबार बिहान भएको राउन्ड अफ सिक्सटिनको दोस्रो लेगको खेलमा स्पेनिश क्लब एट्लेटिको मड्रिडमाथि ३–० को जित सहित युभेन्ट्स अन्तिम ८ मा प्रवेश गरेको हो ।
यो जितपछि युभेन्ट्सले समग्रमा ३–२ को नतिजा निकाल्न सफल रह्यो ।
रोनाल्डोले आफूलाई निके खास खेलाडी भएको प्रमाणित गर्ने क्रममा तीनै गोल आफूले गरे । यसै सिजन ९९ मिलियन पाउण्डमा स्पेनिश क्लब रियाल मड्रिडबाट युभेन्ट्स आएका रोनाल्डोले युरोपेली क्लब फुटबलको ठुलो प्रतियोगितामा आफुलाई पुनः सिद्व गरेका हुन् ।
च्याम्पियन्स लिगमा रोनाल्डोले १२४ औ गोलसहित आठौं ह्याट्रिक हानेका हुन् ।
बुधबार बिहान खेलको २७ औ मिनेटमा रोनाल्डोले टिमलाई सुरुवाती अग्रता दिलाएका थिए । ४९ औ मिनेटमा उनले टोलीको अग्रता दोब्बर पारेका थिए ।
घरेलु मैदानमा खेल सकिन ४ मिनेट अगाडि पेनाल्टीमा गोल गर्दै रोनाल्डोले युभेन्ट्सलाई च्याम्पियन्स लिग फुटबलको अन्तिम ८ को यात्रा तय गराए ।
यसअघि पहिलो लेगमा घरेलु मैदानमा २–० को अग्रता लिए पनि लयमा फर्कन नसक्दा एट्लेटिको मड्रिड कमजोर सावित भयो ।