- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश क्लब चेल्सी युरोपा लिग फुटबलको क्वार्टरफाइनलमा प्रवेश गरेको छ । बिहीबार राति भएको अन्तिम १६ को दोस्रो लेगमा युक्रेन क्लब डाइनामो किभलाई ५–० गोल अन्तरले हराउँदै चेल्सी अन्तिम आठमा पुगेको हो ।
पहिलो लेगमा ३–० को जित पाएको चेल्सी समग्रमा ८–० को जितसहित अन्तिम आठको यात्रा तय गर्न सफल भएको हो ।
किभको मैदानमा भएको दोस्रो लेगमा चेल्सीलाई फराकिलो जित दिलाउन ओलिभर जिरुले ह्याट्रिक गरे । यस्तै मार्कोस एलोन्सो र कलम हुडसनले एक एक गोल गरे ।
घरेलु टोलीविरुद्ध एकतर्फी खेल खेल्ने क्रममा जिरुले पाँचौ मिनेटमा गोल गर्दै चेल्सीलाई अग्रता दिलाएका थिए ।
खेलको ३३ औं मिनेटमा जिरुले व्यक्तिगत दोस्रो गोल गर्दै चेल्सीको अग्रता २–० को बनाए ।
खेलको ४५ औं मिनेटमा एलोन्सोले गोल गरेपछि पहिलो हाफमा चेल्सीले ३–० को अग्रता बनायो ।
खेलको ५९ औं मिनेटमा जिरुले व्यक्तिगत तेस्रो गोल गर्दै ह्याट्रिक पुरा गरे । योसंगै जिरुले यस सिजन चेल्सीका लागि ९ खेलमा ९ गोल गर्न सफल भएका छन् ।
खेलको ७८ औं मिनेटमा हुडसनले गोल गर्दा चेल्सीले ५–० गोलको फराकिलो जित निकालेको हो ।