- सुन चाँदी दर
- विनिमय दर
- नेपाली पात्रो
- राशिफल
काठमाडौं । १० महिनाको विश्रामपछि मुख्य प्रशिक्षकको रुपमा जिनेदिन जिदानको स्पेनिश फुटबल क्लब रियाल मड्रिडमा सुखद पुनरामगन भएको छ ।
दोस्रो पटक क्लबको जिम्मेवारीमा आएका जिदानले जितसहित घरेलु लिगको सुरुवात गरेका हुन् ।
शनिबार राति भएको खेलमा रियालले सेल्टाभिगोलाई २–० ले पराजित गर्यो ।
रियालको जितमा ईस्को र बेलले समान एक एक गोल गरे ।
ईस्कोले ६२ औं मिनेटमा क्लबलाई सुरुवाती अग्रता दिलाएका थिए ।
बेलले ७७ औ मिनेटमा गोल गर्दै रियललाई सहज जित दिलाए ।
जितले रियाल दोस्रो स्थानको एट्लेटिको मड्रिड भन्दा मात्र दुई अंकले पछाडि परेको छ । तेस्रो स्थानको रियालको ५४ अंक छ । सेल्टाभिगोलाई रेलिगेशनले थप पिरोलेको छ । क्लब २५ अंक सहित पुछारदेखि तेस्रो स्थानमा छ ।
शीर्ष स्थानको बार्सिलोनाको ६३ अंक छ । एथलेटिको मड्रिड भने शनिबार राति पराजित हुँदै ५६ अंकमै रोकिएको छ ।
शनिबार रातिका अन्य खेलको नतिजा
डेपोर्टिभोले हुएस्कालाई ३–१ ले हरायो ।
एथलेटिक बिलबाओले एथलेटिको मड्रिडलाई २–० ले हरायो ।
गिरोनाले लेगनेसलाई २–० ले हरायो ।