- सुन चाँदी दर
- विनिमय दर
- नेपाली पात्रो
- राशिफल
काठमाडौं । लोकसभा निर्वाचनका लागि भारतीय जनता पार्टी भाजपालाई उम्मेदवार छान्न सकस भएको छ । प्रमुख प्रतिपक्षी काँग्रेस आईले चौथो पटक उम्मेदवारको नाम जारी गर्दा भाजपाले एक पटक पनि उम्मेदवारको नाम सार्वजनिक गर्न सकेको छैन ।
आइतबार साँझसम्म पहिलो सूची सार्वजनिक हुन सक्ने भारतीय संचारमाध्यमहरुले लेखेका छन् ।
शनिबार राति प्रधानमन्त्री नरेन्द्र मोदी, भाजपा अध्यक्ष अमित शाह र शीर्ष नेताहरुले बसेर उम्मेदवारबारे छलफल गरेका थिए ।
यसपटक पटना साबिह सिटका लागि बलिउड अभिनेता एवं भाजपाका जल्दाबल्दा नेता सत्रुघ्न सिन्हालाई टिकट नदिने भएको छ ।
सिन्हाको ठाउँमा रवि शंकर प्रसाद आउन सक्ने बुझिएको छ । शूत्रको हवाला दिँदै दैनिक भास्करले भनेको छ – सांसद शत्रुघ्न सिन्हाको ठाउँमा रवि शंकर आउन सक्नेछन् । त्यसैगरी आराबाट आरके सिंह, पश्चिम चम्पारणबाट संजय जयसवाल, मन्त्री राधा मोहन सिंहलाई पूर्वी चम्पारण दिने सम्भावना छ ।
शत्रुघ्न सिन्हाले धेरै पटक विभिन्न समारोहमा नेतृत्वको आलोचना गरेकाले उनलाई टिकट नदिने बुझिएको छ ।
बिहारमा सात चरणमा चुनाव हुनेछ । अप्रिल ११, १८, २३ र २९ तारिख तथा मे ६, १२ र १९ गरी सात चरणमा निर्वाचन हुन लागेको हो ।