- सुन चाँदी दर
- विनिमय दर
- नेपाली पात्रो
- राशिफल
काठमाडौं । इटालियन सिरी ए फुटबलमा शीर्ष स्थानको युभेन्ट्सले पहिलो हार भोगेको छ । जारी लिगमा अपराजित रहेको युभेन्ट्स आइतबार राति भएको खेलमा जिनोआसंग २–० ले पराजित भएको हो ।
पोर्चुगिच स्टार स्ट्राइकर क्रिस्टियानो रोनाल्डो बिना मैदानमा उत्रिएको युभेन्ट्सले दोस्रो हाफमा दुई गोल खाँदै हार व्यहोरेको हो । रोनाल्डोलाई यस खेलमा आराम दिइएको थियो ।
जिनोआलाई जित दिलाउन स्टेफानो स्टुरारो र गोरन पानडेभले एक एक गोल गरे ।
७२ औं मिनेटमा स्टेफानोले गोल गर्दै जिनोआलाई अग्रता दिलाए । त्यसपछि ८१ औं मिनेटमा पानडेभले गोल गर्दै जिनोआलाई २–० को जित दिलाए ।
जिनोआसंग पराजित भएपनि युभेन्ट्स लिगको शीर्ष स्थानमा यथावत छ । युभेन्ट्सले २८ खेलबाट ७५ अंक जोडेको छ ।
दोस्रो स्थानको नापोलीको ६० अंक छ ।