- सुन चाँदी दर
- विनिमय दर
- नेपाली पात्रो
- राशिफल
काठमाडौं । प्रधानमन्त्री केपी शर्मा ओलीले १० हजार कित्ता सेयर किनेका छन् । बिहीबार त्रिशुली–३ (बी) आयोजना सम्पन्न गर्न ‘नेपालको पानी, जनताको लगानी, हरेक नेपाली विद्युतको शेयरधनी’अभियान अन्तर्गत खुला गरिएको सेयरमा प्रधानमन्त्री ओलीले पहिलो सेयर किनेका हुन् ।
बिहीबार खुला गरिएको सेयरको पहिलो खरिदकर्ता नै ओली भएका हुन् ।
उनले सेयर भर्न आब्हान समेत गरेका छन् । उनले ट्वीटरमा भनेका छन्, –भर्खरै मैले १० हजार कित्ता शेयर खरिद आवेदन दिएँ । आफ्नो देश आफैं बनाउन म देशभित्र र बाहिर रहनु भएका सम्पूर्ण नेपाली दिदीबहिनी दाजुभाइमा आह्वान गर्दछु।
सरकार अब सेयरमुखी भएको हो त ?
यो खरिदसंगै ओली सरकार सेयरमुखी भएको हो कि भन्ने परेको छ । ओली सरकार गठन भएपछि सेयरमा गिरावट आएको छ ।
प्रधानमन्त्री ओली आफै सेयरमा लगानी गर्न उत्रिएपछि सेयरबजार बढ्ने अनुमान गर्न सकिन्छ ।