-
-
-
-
काठमाडौं । यूरो कप छनोट फुटबल अन्तर्गत समूह ‘सी’ को खेलमा नेदरल्यान्ड्सले बेलारुसलाई ४–० ले पराजित गरेको छ । डच टोलीको जितमा मेम्फिस डिपेले दुई गोल गरे ।
डिपेले खेलको पहिलो मिनेटमै गोल गर्दै नेदरल्यान्ड्सलाई अग्रता दिलाए। त्यसपछि २१ औं मिनेटमा जिनी वाइन्यालडमले दोस्रो गोल गरे ।
डिपेले ५५ औं मिनेटमा पेनाल्टी मार्फत गोल गर्दै ३–० को अग्रता दिलाए । भर्जिल भ्यान डाइकले ८६ औं मिनेटमा गोल गरे ।
खेलमा दुई गोल गरेका डिपेले नै अन्य दुई गोलमा अवसर दिलाएका थिए ।
समूह ‘सी’ कै अन्य खेलमा उत्तर आयरल्यान्डले इस्टोनियालाई २–० ले पराजित गर्यो।
