बंगालको चीटफण्ड काण्ड गम्भीर मोडमा, सर्वोच्चले दियो यस्तो संकेत
प्रकाशित २०७५ चैत १२ मंगलबार
188
Shares
नयाँ दिल्ली । भारतको सर्वोच्च अदालतले सारदा चिटफण्ड घोटाला मामलामा कोलकाताका पूर्व पुलिस कमीश्नर राजीव कुमारसँग लिइएको बयानसँग सम्बन्धित प्रगति रिपोर्टमा सीबीआईद्वारा गरिएको खुलासालाई मंगलवार 'एकदमै गम्भीर' भनिदिएको छ ।
प्रधान न्यायाधीश रञ्जन गोगोई, न्यायाधीश दीपक गुप्ता र न्यायाधीश सञ्जीव खन्नाको इजलासले भनेको छ कि 'ठूलो गम्भीर तथ्यहरु' भेटिएको छ जुन हाम्रो अनुमान भन्दा भिन्न छ । पीठले यसका साथमा जाँच ब्यूरोलाई पनि निर्देश गरेको छ कि राजीव कुमारको विरुद्ध उचित कारवाईको लागि ऊ आवेदन दायर गरोस् ।
पीठले जाँच ब्यूरोलाई यस सम्बन्धमा आवेदन दायर गर्नको लागि दश दिनको समय दिएको छ । अदालतले भनेको छ कि कुमार तथा अन्य मानिसहरुले यसको सात दिन भित्र आफ्नो जवाफ दाखिल गर्न सक्दछन् । पहिले राजीव कुमार नै यस चिटफण्ड घोटालाको जाँच गर्ने विशेष जाँच दलका मुखिया थिए। शीर्ष अदालतले भनेको छ कि सीबीआईको रिपोर्ट सीलबन्द खाममा बुझाईएको छ । त्यसैले त्यो दोस्रो पक्षको सुनुवाई विना कुनै फैसला गर्न मिल्दैन ।
सुप्रीम कोर्टले सारदा चिट फण्ड घोटालाको जाँचमा सहयोग नगरेको र कथित रूपबाट सबूत नष्ट गरेको मामलामा पश्चिम बंगालका पुलिस महानिर्देशक र कोलकाताका तत्कालीन पुलिस आयुक्त सहित कैयौं वरिष्ठ अधिकारीहरु विरुद्ध सीबीआईको अपमान गरेको मुद्दामा सुनवाई गरिरहेको थियो ।
यसै वर्षको फेब्रुअरीको पहिलो हप्ता सोधपुछको लागि सीबीआईको टीम राजीव कुमारको घर पुगेपछि उनीहरुलाई प्रहरीले गिरफ्तार गरेको थियो । यस मामलालाई लिएर राज्यका मुख्यमन्त्री ममता बनर्जी केन्द्र सरकारको विरुद्ध धरपकड गरेको मुद्दामा सुनुवाई चलिरहेको छ । सीबीआईले सुप्रीम कोर्टमा सो विषयमा मु्द्दा दायर गरेपछि कोर्टले राजीव कुमारलाई शिलोङ स्थिति सीबीआईमा पेश हुनकोलागि निर्देशन दिएका थिए। कोर्टले यो पनि भनेको थियो कि राजीव कुमारलाई गिरफ्तार भने नगर्नु ।
