युवाप्रति सरकारको अलमल, श्रम मन्त्री युवा विदेश पठाउन खोज्ने गरिबी निवारण मन्त्री रोक्न खोज्ने

युवाप्रति सरकारको अलमल, श्रम मन्त्री युवा विदेश पठाउन खोज्ने गरिबी निवारण मन्त्री रोक्न खोज्ने

प्रकाशित २०७५ चैत १३ बुधबार

काठमाडौं । नेपाली युवाप्रति सरकार अलमलमा देखिएको छ । श्रम तथा रोजगार मन्त्री गोकर्ण विष्टले नेपाली युवालाई विदेश पठाउन जापानसंग सम्झौता गरेको अर्को दिन भूमि व्यवस्था, सहकारी तथा गरिबी निवारणमन्त्री पद्ममाकुमारी अर्यालले युवालाई विदेश पठाउन नहुने बताएकी छिन् ।

मन्त्री अर्यालले युवाहरुलाई विदेश पठाउने होइन नेपाललाई विदेशी युवाको आकर्षणको थलोको रुपमा विकास गर्नुपर्ने बताएकी छिन् ।

मन्त्री अर्यालले मंगलबार आधिखोला गाउँपालिकाको वडा नम्बर २ र ५ जोड्ने भैरवकुण्ड मोटरेवल पुलको शिलान्यास गर्दै प्रत्येक घरका एक जना सदस्यलाई रोजगारी दिने उद्देश्यका साथ प्रधानमन्त्री रोजगार कार्यक्रम शुरु गरिएको बताइन् ।