ब्रेक्जिट डिलले बेलायती प्रधानमन्त्रीको करियर चौपट, सत्ता छाड्न वाध्य
यस्ता छन् मेका आठवटा असफलता
प्रकाशित २०७५ चैत १४ बिहिबार
401
Shares
काठमाडौं । ब्रेक्जिट डिलमा आफ्नो हार हुने पक्का भएपछि उक्त डिललाई सफल पार्न बेलायती प्रधानमन्त्री टेरिजा मेले सत्ता नै छाड्न तयार रहेको बताएकी छिन् ।
मेले युरोपियन युनियन ईयुबाट अलग हुने ब्रेक्जिट डिलमा कन्जरभेटिभ पार्टीका सांसदहरुले समर्थन गरे सत्ता छोड्न तयार रहेको बताएकी हुन् ।
आफूले कतैबाट पनि सफलता हासिल गर्ने सम्भावना नरहेपछि मे सत्ता छाडन तयार भएकी हुन् । तर उनले सत्ता नै छाड्न परे पनि आफ्नो अडान भने छाडेकी छैनिन् ।
ब्रेक्जिटबारेका आठ संभावित विकल्पमा भएको मतदानमा हाउस अफ कमन्समा कुनै पनि विषयमा बहुमत प्राप्त नभएपछि अन्ततः मे पछाडि हटेकी हुन् ।
मेले अन्तिम समयसम्म पनि आफ्नो प्रयास छाडेकी छैनिन् । हरेक प्रयासमा उनी असफल हुँदै आएकी छिन् । पक्ष र विपक्षको नाममा बेलायती जनताहरु लामो समयदेखि सडकमा छन् ।
यद्यपी प्रधानमन्त्री मेले पद छाड्ने मितिको बारेमा भने केही उल्लेख गरेकी छैनन् ।
यस्ता छन् मेका आठवटा असफलता
कन्फर्मेन्ट रेफरेन्डमको पक्षमा २६८ मत, विपक्षमा २९५ मत
सीमा शुल्क संघका लागि – पक्षमा २६४, विपक्षमा २७२ मत
श्रमको ब्रेक्जिट प्लानका लागि – पक्षमा २३७ मत, विपक्षमा ३०७ मत
कमन मार्केटका लागि – पक्षमा १८८, विपक्षमा २८३
सम्झौताका लागि आर्टिकल हटाउने डिलका लागि पक्षमा १८४ मत, विपक्षमा २९३ मत
नो डिल एक्जिटका लागि – पक्षमा १६०, विपक्षमा ४०० मत
माल्थहाउस प्लान बीका लागि – पक्षमा १३९ मत, विपक्षमा ४२२ मत
इएफटीए र ईईए सदस्यताका लागि –पक्षमा ६५, विपक्षमा ३७७ मत ।
