- सुन चाँदी दर
- विनिमय दर
- नेपाली पात्रो
- राशिफल
काठमाडौं । अफगानिस्तानका उपराष्ट्रपति अब्दुल राशिद दोस्तम दोस्रो विद्रोही आक्रमणमा पनि बाँच्न सफल भएका छन् ।
शनिबार उनीमाथि बाल्ख प्रान्तमा तालिवानले सांघातिक आक्रमण गरेको थियो । एम्बुस आक्रमणमा उनका एक अंगरक्षकको भने मृत्यु भएको छ ।
घटनामा दुईजना अंगरक्षक घाइते भएका छन् । यसअघि गत जुलाई महिनामा उनीमाथि पहिलो आक्रमण भएको थियो ।
काबुल विमानस्थलमा भएको उक्त आत्मघाती बिस्फोटमा उनी बाँच्न सफल भएका थिए । त्यतिबेला १४ जनाको मृत्यु भएको थियो ।
पाँच वर्षदेखि राजनीतिमा रहेका दोस्तममाथि आफ्ना प्रतिस्पर्धी नेताहरुको अपहरण, बलात्कार जस्ता अपराधमा संलग्न रहेको आरोप लाग्ने गरेको छ ।
उनीमाथि अमेरिकालाई सघाएको आरोप पनि लाग्ने गरेको छ ।