-
-
-
-
काठमाडौं । भारतमा भइरहेको आइपिएल टी–२० क्रिकेटमा सोमबार राति दिल्ली क्यापिटल्सले तितो हारको सामना गरेको छ ।
जितको निकै रहँदा रहँदै नाटकीय शैलीले अन्तिम ८ रन जोड्न ७ विकेट गुमाएपछि किंगस ११ पञ्जाबविरुद्ध १४ रनको हार खान पुग्यो ।
१६७ रनको विजयी लक्ष्य पछ्याएको दिल्लीले १९.२ ओभरमा अलआउट हुनुपुर्व १५२ रन बनायो ।
१४४ रन बनाउँदा मात्र ३ विकेट गुमाएको दिल्लीले त्यसपछि निरन्तर विकेट गुमायो र खेल नै गुमायो ।
साम कुरानले अन्तिम ओभरमा ह्याट्रिक लिए । उनले २.२ ओभरमा ११ रन दिएर ४ विकेट लिए ।
कप्तान रविचन्द्रन आश्विन र मोहम्मद सामीले २–२ विकेट लिए । दिल्लीका सन्दीप लामिछानेसहित ५ खेलाडी ० मा आउट भएका थिए ।
रिसभ पन्तले ३९, इन्ग्रामले ३८, शिखर धवनले ३० र श्रेयस ऐयरले २८ रन बनाए ।
यसअघि चन्डीगढको घरेलु मैदानमा पञ्जाबले पहिले ब्याटिङ गर्दै डेभिड मिलरको ४३ रनको मद्धतमा ९ विकेटको नोक्सानीमा १६६ रन बनाएको थियो ।
क्रिस मोरिसले ३ तथा सन्दीप लामिछाने र कागिसो रबाडाले २ विकेट लिएका थिए ।
