हवाई क्षेत्रकी आइरन लेडीको विमान दुर्घटनामै मृत्यु
प्रकाशित २०७५ चैत १९ मंगलबार
240
Shares
काठमाडौं । रुसकी चौथी धनी महिलाको विमान दुर्घटनामा मृत्यु भएको छ । रुसी विमान उद्योगकी आइरन लेडी भनेर परिचित नतालिया फिलेवाको दुर्घटनामा मृत्यु भएको हो ।
५५ वर्ष फिलेवाको दक्षिण–पश्चिम जर्मनीस्थित एलेजबस शहर नजिकै दुर्घटनामा मृत्यु भएको हो ।
६ सिटे विमानमा पाइलटसहित नतालिया र उनका बाबु पनि संगै थिए । दुर्घटनामा तीन जनाकै मृत्यु भएको छ ।
नतालिया र उनका श्रीमान व्लादिस्लाव फिलेवा एस ७ एयरलाइन्सका सहमालिक थिए । नतालियाको सम्पत्ति ६० करोड अमेरिकी डलर रहेको थियो ।
उनीहरुकी एक जना धर्मीपुत्री पनि छिन् । रुसी हवाइ क्षेत्रमा यात्रुहरुको सुविधा र सुरक्षा बढाउन जोड दिने नतालियालाई सोही कारण नै आइरन लेडी भनिन्थ्यो ।
नतालियाले आफ्ना बाबुलाई उपचारका लागि फ्रान्सबाट जर्मनी लैजाँदै गर्दा उक्त दर्घटना भएको हो ।
एस ७ लाई साइबेरिया एयरलाइन्स पनि भनिन्छ । रुसको दोस्रो ठूलो विमान कम्पनीका ९६ विमान छन् । यसले २६ देशका १८१ शहरमा सेवा दिँदै आएको कछ ।
