ब्रुने र सानेले जिताए सिटीलाई, पुग्यो फेरि शीर्ष स्थानमा
प्रकाशित २०७५ चैत २१ बिहिबार
269
Shares
काठमाडौं । इंगलिश प्रिमियर लिग फुटबलमा म्यान्चेस्टर सिटी फेरि शीर्ष स्थानमा पुगेको छ ।
सिटीले घरेलु मैदानमा बुधबार राति कार्डिफ सिटीलाई २–० ले पराजित गर्दै शीर्ष स्थानमा ठाउँ पुनः बनाउन सफल भएको हो ।
सिटीलाई विजयी गराउन केभिन डे ब्रुने र लरोए सानेले १–१ गोल गरे ।
ब्रुनेले खेलको छैटौं मिनेटमा गोल गर्दैै ५३ हजार ५५९ दर्शक सामु इत्तेहाद स्टेडियममा खेलेको सिटीलाई खुशी दिलाए ।
४४ औं मिनेटमा सानेले अर्को गोल थप्दै टिमलाई जित दिलाए । जितपछि सिटी ३२ खेलबाट ८० अंकसहित शीर्ष स्थानमा छ ।
दोस्रो स्थानको चेल्सीको ७९ अंक छ । टोटनह्याम हट्सपरले घरेलु मैदानमा क्रिष्टल प्यालेसलाई २–० ले हरायो । ह्युङ मिन सन र क्रिष्टियन एरिक्सनले १–१ गोल गरे ।
टोटनह्याम ६४ अंकसहित तेस्रो स्थानमा छ । एक खेल कम खेलेको आर्सनलको ६३ अंक छ भने चेल्सीको पनि ६३ अंक नै छ । म्यान्चेस्टर युनाइटेड छैटौंमा धकेलिएको छ ।
अर्को खेलमा चेल्सीले घरेलु मैदानमा ब्राइटन एण्ड होभ आल्बियनलाई ३–० ले हरायो । चेल्सीलाई विजयी गराउन ओलिभर जिरु, इडेन हजार्ड र रुबेन लोफ्टस चिकले १–१ गोल गरे ।
