पाँचथर। सोमबार देखि वेपत्ता भएका पाँचथर रवि बजारमा चुरोट र मोबाइल रिचार्ज कार्डको होलसेल बिक्रेता दिनेश रेग्मी आज विहान मृत अवस्थामा फेला परेका छन्।
छिमेकी इलाम जिल्लाको फुँयतप्पा–७ को राउते भन्ने जङ्गलमा आज विहान ९ वजे उनालाई मृत अवस्थामा फेला परेको जिल्ला प्रहरी कार्यालय पाँचथरका प्रहरी निरीक्षक तथा सूचना अधिकारी रिपेन्द्र कुमार सिंहले जानकारी दिनुभयो। प्रहरी र स्थानियवासीले आज विहान जंगलमा फेला पारेको उहाँले वताउनुभयो।
उनको पोष्टमार्टमका लागि जिल्ला अस्पताल इलाम लैजाने तयारी भइरहेको पनि उहाँले वताउनुभयो । स्थानीयवासीका अनुसार २७ वर्षीय रेग्मी पसलबाट सोमबार दिउँसो ४ बजेतिर छिमेकी सराङडाँडा गाविसमा होम टिभी बिग्रेकाले बनाउन खबर आएको भन्दै मोटरसाइकलमा त्यसतर्फ लागेका थिए।
रवि बजारबाट हिँडेपछि सम्पर्क्विहीन रहेका उनको मोटरसाइकल मंगलबार १५ मिनेट जतिको दूरीमा रहेको भेटिएको थियो। सोमबार बेलुका आइपुग्ने भन्दै हिँडेका उनी अबेरसम्म नफर्केपछि छिमेकीले उनको पसल भने बन्द गरिदिएर मङ्गलबार बिहानै प्रहरीमा खबर गरेका थिए।
प्रहरीले मंगलबार देखि स्थानीय बासिन्दासँगको सहकार्यमा खोजीकार्य भइरहेको थियो।
