- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली क्रिकेटका ढुकढुकी सन्दीप लामिछानेले भारतमा भइरहेको आइपिएल क्रिकेटमा हरेक खेलमा विकेट लिन सफल भएका छन् ।
दिल्ली क्यापिटस्लबाट खेलिरहेका सन्दीपले बिहीबार रातिको खेलमा सनराइजर्स हैदरावादका एक खेलाडीलाई आउट गरे । सन्दीपले दिपक हुडाको विकेट लिएर हरेक खेलमा विकेट लिने खेलाडी बनेका हुन् ।
जारी लिगमा ३ खेल खेलेका सन्दीपले ४ विकेट लिएका छन् ।
प्रतिस्पर्धा आफैसंग
सन्दीपको प्रतिस्पर्धा यतिबेला आफैसंग देखिएको छ । उनले गत संस्करणको तुलनामा यो संस्करणमा विकेट संख्या कम लिएका छन् ।
गत संस्करणमा अन्तिम तीन खेल खेलेर सन्दीपले पाँच विकेट लिएका थिए । तर यसपटक सन्दीपले सुरुवातका दुई खेल छाडेर लगातार तीन खेल खेलिसकेका छन् ।
उनले कडा टिमहरुसंग खेल्दा कठिन अवस्थाबाट खेल्दा विकेट लिन नसकेको पनि देखिन्छ ।
टक्कर रशीद खानसंग
सन्दीपको टक्कर अफगानी खेलाडी रशीद खानसंग गएर जोडिन्छ । सनराइजर्सबाट खेल्दै आएका रशीद भन्दा विकेटमा सन्दीप अगाडि छन् ।
सन्दीपले विकेट पनि बढी लिएका छन् । एक वर्षको अवधि त सन्दीपको रशीदको भन्दा अझै राम्रो रह्यो टी–२० मा ।
सन्दीपले सनराइजर्सविरुद्ध १ विकेट लिँदा रशीदले पनि १ विकेट झारे । सन्दीपको बलिङ रशीदको भन्दा पनि अझ खतरनाक भएको विश्लेषण गरिन्छ ।